باب اغمات أحد أبواب مراكش القديمة

تسمات باب غمات بحيت كتشوف لجهة مدينة اغمات هي مدينة تاريخية فين تدفن فيها معتمد بن عباد و اغمات كلمة امازيغية معناتها الخضبة اي الخضرة من كثرة الربيع
و من اغمات جابو الماء لأقدم حديقة فالعالم عمرها 900 عام و هي جنان الصالحة لي ولات سميتها حدائق أكدال بفضل الموحدي ابو يعقوب يوسف كان دكي بزاف فمجال الفلاحة و المياه و الهندسة و هو لي بنى الكتبية و مسجد حسان و خيرالدا
حدائق أكدال أو جنان الصالحة هو لي معروف فأغنية الاطفال ” أجرادة مالحة فين كنت سارحة فجنان الصالحة”
و الصالحة كاين لي يقول هي بنت يوسف بن تاشفين و كاين لي قال هي مرت عبد المومن بن علي الكومي و كاين لي يقول هي ماين المنصور الدهبي
و كنعروفو اغنية ” شتاتاتا ” لي مدكور فيها ” ألمعلم بوسكري طيبلي خبزي بكري” و بوسكري كان أشهر فرناتجي فمراكش و باقي حومة بوسكري لوقتنا هدا فباب غمات
كنقولو ” لاواه بوسكري لاواه مولاي بيه ” مولاي بيه هو مولاي بيه الفيلالي كان حلايقي فجامع لفنا مشهور فالمغرب و معلم فالكنبري و انتقل لكازا و كان هو الاول فالمغرب لي بدى الموسيقى المغربية